اسلام آباد 23 اګست (اے پي پي)د ماحولياتي بدلون وفاقي وزيرې سېنېټر شيري رحمان وئېلي دي د بارانونو نوې لړۍ د اګست تر 26مې نېټې د دوامداره پاتې كېدو امكان دے٬د سېلاب ځپليو مرستې لپاره به ټول وسائل كارول وي٬د سېلاب تباهې مخ نيوي لپاره ټولو صوبو ته د نورو وسائلو ضرورت دے۔د نهې په ورځ په خپل يو بيان كښې دې ووئيل نېشنل ډيزاسټر منيجمنټ اتهارټي(اېن ډي اېم اے)د جولائي نه تر 22 اګست رپورټ له مخې په په بدين او كراچۍ كښې د 30 كلونو تر ټولو زيات باراونونه رېكارډ كړی شوي٬د سندھ ټولې ضلعې په دې موده كې تر ټولو زياتو طوفانونو او بارانونو سره مخ شوي۔دې ووئيل د بارانونو او سېلاب لړۍ لا په زياتېدو ده او د ماحولياتي بدلون وزارت د سختو بارانونو په اړه وفاقي او صوبائي حكومتونو ته خبردارے وركړے ؤ ٬ سېلاب تباهې مخ نيوي لپاره ټولو صوبو ته د نورو وسائلو ضرورت دے۔دې ووئيل ګڼ شمېر سېلاب ځپلي د رېليف منتظر دي۔د سوئېلي پنجاب خلق صوبائي حكومت ته ګوري خو افسوس دے جې د پنجاب حكومت ټول پام د شهباز ګل او عمران خان پلو دے۔دا مهال په هېواد كښې تر ټولو زياته لويه مسئله د شهباز ګل د ګرفتارۍ نه بلكې د سېلاب او دې څخه د ځپليو خلكو د بحالۍ ده۔
د بارانونو نوې لړۍ د اګست تر 26مې نېټې د دوامداره پاتې كېدو امكان دے٬د سېلاب ځپليو مرستې لپاره به ټول وسائل كارول وي۔سېنېټر شيري رحمان
مضمون کا ماخذ : جنگل وائلڈ
متعلقہ مضامین
