انقره 31 مئي (اے پي پي) وزيراعظم محمد شهباز شريف د نهې په ورځ په درې ورځنۍ سركاري دوره تركيه ته رسېدلې دے۔ د انقره په هوائي مېدان د وزيراعظم محمد شهباز شريف او د هغه د پلاوي د تركيې د دفاع وزير او اعلٰی چارواكو تود هركلے وكړو۔ په دې موقع وزيراعظم محمد شهباز شريف ته ګارډ آف آنر وړاندې كړې شو۔ د دفاع وزير خواجه محمد آصف٬د اطلاعاتو او خپرونو وفاقي وزيره مريم اورنګزېب٬د سرماي كارۍ بورډ وزير چوهدري سالك حسېن٬خاص مرستيال طارق فاطمي او فهد حسېن هم وزيراعظم سره وو۔ د وزيراعظم چوكۍ سنبالولو نه پس دا د وزيراعظم محمد شهباز شريف د تركيې وړومبۍ دوره ده۔ خارجه وزير بلاول بهټو زرداري هم تركيې ته رسېدلے دے۔ د دورې (31 مئي نه تر 2 جون 2022)په مهال به وزيراعظم محمد شهباز شريف د تركيه صدر رجب طيب اردوان سره يو په يو ملاقات كوي او د دې نه پس به د پلاوي په كچه هم خبرې اترې كېږي۔د پاكستان او تركيه ترمينځه دوه اړخيزه اړيكو ټولو اړخونو جاج اخستلو نه علاوه دواړه لارښود به په سيمه ايز او نړيوالو چارو د خيالاتو څرګندونه كوي۔دواړه لارښود به د غونډې نه پس مېډيا سره خبرې كوي۔ صدر رجب طيب اردوان به د وزيراعظم محمد شهباز شريف په درناوي كښې د ماسختن مېلمستيا هم وركوي۔ پاكستان او تركيه سږ كال د سفارتي اړيكو جوړولو 75مه سالګره هم لمانځي۔د دورې په مهال به وزيراعظم او د تركيه صدر د پاكستان او تركيې په شريكه توګه د يو لوګو مخ كتنه كوي چې ورسره به د دواړو هېوادونو د غېر معمولي دوه اړخيزه اړيكو د اوږد تاريخ سنګ ميل دستورې پیل شي۔ د دورې په مهال به خارجه ٬تجارت او روغتيا وزيران هم وزيراعظم سره ملاقات كوي۔ وزيراعظم به د تركيې نوموړو سوداګر او بېلو څانګو سره تعلق لرونكو سرمايه كارو سره خبرې اترې كوي۔ د دې كوربتوب به د تركيې يونين آف چيمبرز اينډ كموډټي ايكسچنجز صدر كوي۔ وزيراعظم به د تركيې فارن اكنامك رېليشن بورډ مرستې سره راجوړ كړې شوي پاكستان تركي بزنس كونسل فورم كښې هم ګډون كوي۔ د دې دستورو په مهال به وزيراعظم په پاكستان كښې د سرمايه كارۍ پراخا امكانات رامخې ته كوي او د تركيې كمپنو ته به په پاكستان كښې د سرمايه كارۍ كولو او د پاكستان تركيې تجارتي او اقتصادي اړيكو لا لوي كولو لپاره د كار كولو ترغيب هم وركوي۔ د پاكستان نوموړي كاروباري شخصيات به په دې دستورو كښې ګډون سره سره د تركيې سوداګرو استازو سره ملاقاتونه كوي۔ د پاكستان او تركيې ترمينځه اړيكې د منظم اداره جاتي مېكانزم په بنياد اډانه دي۔۔د پاكستان نوموړي كاروباري شخصيات به په دې دستورو كښې ګډون سره سره د تركيې سوداګرو استازو سره ملاقاتونه كوي
وزيراعظم شهباز شريف په درې ورځنۍ سركاري دوره تركيه ته ورسېدو٬د تركيې د دفاع وزير او اعلٰی چارواكو يې تود هركلے وكړو
مضمون کا ماخذ : ہیوگو 2
متعلقہ مضامین
