اسلام آباد۔20ستمبر(اے پی پی) وزیرِاعظم محمد شہباز شریف آکھیے چین ہر اوکھے ویلھے پاکستان دے رلے کھڑا رہیے ، چین تے پاکستان وچال معاشی تعلقات ہر گزردے ݙینھ نال مزید تکڑے تھیندے پئن ۔و??یر??عظم آفس دے میڈیا ونگ توں جاری بیان موجب اے ڳالھ انھاں چیئرمین چیو یافودی قیادت اچ روئیی گروپ دے 9 رکنی وفد کوں آکھی جنھاں انہاں نال ملاقات کیتی ۔ ملاقات اچ نائب و??یر??عظم تے وزیر خارجہ اسحاق ڈار ، وزیر تجارت جام کمال خان ، وفاقی وزیر صنعت و پیداوار رانا تنویر حسین ، وفاقی وزیر سرمایہ کاری و نجکاری عبد العلیم خان ، وفاقی وزیر پاور اویس احمد خان لغاری اتے ٻئے متعلقہ اعلیٰ سرکاری افسر موجود ہن۔ ملاقات اچ پاکستان اتے روئیی گروپ وچال معاملات اڳوں ودھاوݨ سانڳے اسلام آباد اتے بیجنگ اچ ورکنگ گروپس بݨاوݨ دا فیصلہ وی کیتا ڳئے ۔و??یر??عظم دے اڄوکے دورہ چین دے بعد پاکستان اچ چینی سرمایہ کاری تے اہم پیشرفت تھئی اے تے چین دا روئیی گروپ پاکستان اچ بین الاقوامی معیار دے ٹیکسٹائل پارکس بݨیسی ۔ و??یر??عظم ایں موقع تے آکھیے جو چین پاکستان دا ایجھا دوست ملک اے جیڑھا ہر اوکھے ویلھے پاکستان دے رلے کھڑا رہیے ۔ چین تے پاکستان وچال معاشی تعلقات ہر گزردے ݙینھ نال ٻئے تکڑے تھیندے پئن ۔ و??یر??عظم وفد دا خیرمقدم کریندے آکھیے روئیی گروپ چین پاکستان اقتصادی راہداری دے تحت ساہیوال کول پاور پلانٹ دا اولین سرمایہ کار ہئی۔ و??یر??عظم روئیی گروپ دی پاکستان دے ٹیکسٹائل دے شعبے اچ سرمایہ کاری تے دلچسپی گھنݨ دی تعریف کیتی ۔ روئیی گروپ دے چیئرمین چیویافوآکھیے سرمایہ کار دی حیثیت نال نی بلکہ پاکستان دے دوست دی حیثیت نال پاکستان آیوں۔ چیئرمین روئیی گروپ و??یر??عظم دے بطور وزیر اعلیٰ پنجاب دور اچ تکھی رفتار ترقیاتی کماں دے حوالے نال پنجاب اتے شہبازسپیڈ دا ذکر کیتا تے امید ظاہر کیتی جو ایں واری وی ترقیاتی منصوبیں تے ایہا رفتار ݙ??کھݨ کوں ملسی ۔ انھاں بریفنگ ݙیندے ݙسائے روئیی گروپ صوبہ سندھ اتے صوبہ پنجاب اچ بین الاقوامی معیار دے ٹیکسٹائل پارکس بݨیسی جیں اچ چین دی 100 دے نیڑے وݙی ٹیکسٹائل صنعتاں کوں سرمایہ کاری دی دعوت ݙتی ویسی ۔ انھاں ٹیکسٹائل پارکس دا محور پاکستان دی ٹیکسٹائل برآمدات ودھاوݨ تے پاکستان کوں دنیا دا ٹیکسٹائل اتے گارمنٹس حب بݨاوݨا اے ۔ انھاں ٹیکسٹائل پارکس اچ شمسی توانائی دا استعمال تھیسی تے اے زیرو کاربن اتے خود کار جدید ٹیکنالوجی تے کم کریسن ۔ انھاں پارکس توں پہلے مرحلے اچ 2 ارب امریکی ڈالر جݙاں جو ݙوجھے مرحلے اچ 5 ارب امریکی ڈالر دی برآمدات متوقع ہن ۔ انھاں ٹیکسٹائل پارکس توں 3 لکھ توں 5 لکھ مقامی لوکاں کوں روزگار دے موقع ملسن۔انھاں ٹیکسٹائل پارکس دا منڈھ اڄوکے سال دے چھیکڑ تے ٻدھیا ویسی، اے ترائے سال اچ مکمل تھیسن ۔ روئیی گروپ کراچی اتے لاہور اچ ھک ھک ہول سیل کموڈٹی مرکز وی بݨیسی ۔ ایں موقع تے و??یر??عظم شہباز شریف، نائب و??یر??عظم تے وزیر خارجہ اسحاق ڈار دی سربراہی اچ خصوصی کمیٹی بݨاوݨ دی ہدایت کیتی ۔ کمیٹی اچ وفاقی وزرا تجارت، سرمایہ کاری و نجکاری ، صنعت و پیداوار، سیکرٹری خارجہ ، خصوصی سرمایہ کاری سہولت کونسل دا نمائندہ اتے ظفرالدین محمود شامل ہوسن ۔ و??یر??عظم نال وفد دی ملاقات دے بعد سرمایہ کاری بورڈ اتے روئیی شیڈونگ گروپ وچال پاکستان اچ جدید ٹیکسٹائل پارکس بݨاوݨ سانڳے مفاہمتی یادداشت تے دستخط دی تقریب تھئی جیں اچ و??یر??عظم و?? شرکت کیتی
وزیراعظم شہباز شریف نال چین دے روئیی گروپ دےوفد دی ملاقات
مضمون کا ماخذ : میگا مولا۔
متعلقہ مضامین
