اسلام آباد۔9نومبر(اے پی پی) وفاقی و??یر توانائی اویس لغاری آکھیے وزیراعظم محمد شہباز شریف دی قیادت اچ حکومت توانائی دے شعبے اچ اصلاحات متعارف کرویندی پئی اے تے وزیراعظم موسم پالے اچ گھریلو،کمرشل اتے صنعتی صارفین ک??ں سستی بجلی ݙیوݨ سانڳے ریلیف پیکج دا اعلان کیتے جو ایں سلسلے دا ھک وݙا سنگ میل اے ، بجلی دے ترسیلی نظام کوں بہتر بݨاوݨ سانڳے اقدامات کیتے ویندے پئن اتے ملکی تاریخ اچ پہلی و??ری فاضل بجلی دیاں قیمتاں گھٹ کیتیاں ڳئن تے صارفین ک??ں 26 روپے فی یونٹ اضافی بجلی دے استعمال دی پیشکش کیتی ڳئی اے ، اصلاحات دا اصل مقصد شفافیت گھن آوݨ تے ترسیلی نظام دی خامیاں مکا تے عوام کوں ریلیف ݙیوݨا اے تے ایجھا ملکی تاریخ اچ پہلی و??ری کیتا ویندا پئے ۔ اے ڳالھ انھاں پریس کانفرنس توں خطاب کریندے آکھی ۔وفاقی و??یر آکھیے ریلیف پیکج دے تحت گھریلو صارفین ک??ں محفوظ کیٹیگری دے 200 یونٹ توں ودھ بجلی استعمال کرݨ تے26.7 روپے فی یونٹ تئیں سستی بجلی ملسی تے انھاں کوں موسم پالے دے ترائے مہینے اچ 11.42 توں 26 روپے فی یونٹ دی بچت کرݨ اچ مدد ملسی ، ایں پیکیج دے ذریعے موجودہ حکومت توانائی دے شعبے اچ ھک سنگ میل عبور کیتے جیں توں ملک اچ معاشی استحکام آسی۔ انہاں آکھیے اساں توانائی دے شعبے اچ اصلاحات دا آغ??ز نہ صرف ایں دے نظام کوں ہموار کرݨ بلکہ اینکوں منافع بخش بݨاوݨ سانڳے کیتے ۔ انھاں ایں ڳالھ تے زور ݙتے جو توانائی دے شعبے دا ملکی معیشت اچ اہم کردار اے ۔ گزریل ݙینھ وزیراعظم بجلی دیاں قیمتاں گھٹاوݨ دا اعلان کیتے جیڑھا ھک سنگ میل اے جیں توں پاکستان دی صنعتاں تے عام صارفین اتے کاروباری صارفین ک??ں فیدہ تھیسی اے سہولت پیکج یکم اکتوبر توں 31 مارچ تئیں انھاں نرخاں تے بجلی دے صارفین دے اضافی استعمال دی سہولت ݙیسی تاں جو سستی بجلی نال معاشی سرگرمیاں شروع تھیون تے لوکاں تے ٻوجھ گھٹ پووے۔
