اسلام آباد 20 اکتوبر (اے پي پي) خارجه وزير شاه محمود قريشي وئيلي دي په هند كښې د پاكستان اقليتي ټولنې سره د تعلق لرونكو كسانو د قتل پېښې د هند بيانيه څرګنده كړې ده ، ټولې سفارتي ذريعې كارولے كېږي، په هر يو فورم به دا معامله پورته كوو، د هند مقصد دا كورنۍ د پاكستان په ضد كارول وو. د نهې په ورځ د سېنېټ غونډه كښې د سېنېټر مشتاق احمد خان د پام راګرځونې نوټس په ځواب كښې خارجه وزير ووئيل د پاكستان اقليتونه د پاكستان په پرمختګ كښې ډېر مهم كردار لري. په هند كښې د هندو توا سوچ غالب دے او د دې له امله اقليتونه خپل ځان غېر محفوظ ګني.ده ووئېل د بابري مسجد افسوسناكه پېښه او په دې كښې ككړو كسانو ته سزا نه وركولو سره د انصاف په نظام اندېښنه لرو. ده ووئيل اېمنسټي انټرنېشنل په هند كښې د اقليتونو سره ظلمونه بې نقابه كړي. ده ووئيل د سندھ سانګهړ ضلعې 11، 12 پاكستانيان په هند كښې قتل شوي . دې پېښې د هند بيانيه څرګنده كړې. خارجه وزارت په سمدستي توګه د دې پېښې نوټس اخستے او په ډيلي كښې د پاكستان هائي كميشن نوټ وربېل جاري كړے، د هند څخه د دې تفصيلات غوښتلے شوي، د قونصلر رسنې غوښتنه شوې، د پوسټ مارټم هم غوښتنه شوې. ده ووئېل د پاكستان اقليتونو د دغې په ضد د هندي هائي كميشن په وړاندې احتجاج كړے. د اګست په 18مه نېټه مونږ بېرته نوټ وربېل جاري كړے، د هند څخه بېرته قونصلر رسنه غوښتلې شوې. د پېښې تفصيل غوښتلے شوے خو تر اوسه كوم معلومات نه دي وركړے شوي. ده ووئېل هند دا كورنۍ خپلو مقاصدو لپاره، جاسوسې له كارول غوښتل او مونږ د دې پېښې په اړه ټولې سفارتي ذريعې كاروو. ده ووئيل د اسلام آباد په هائي كورټ كښې هم دا معامله تر اورېدنې لاندې ده، د پارلمان اقليتي غړي هم دا معامله پورته كوي. مونږ د بشري حقونو نړيوالو ادارو سره هم رابطه كوو او مونږ خپل سفارتي مشنز هم فعاله كوو. ده ووئېل مونږ د دې پېښې اېف آئي آر هم درج كړے او په هر فورم به دا معامله پورته كوو.
په هند كښې د پاكستان اقليتي ټولنې سره د تعلق لرونكو كسانو د قتل پېښې د هند بيانيه څرګنده كړې. شاه محمود قريشي
مضمون کا ماخذ : میٹھا بونانزا
متعلقہ مضامین
