اسلام آباد 10 مئي (اے پي پي) صدر ډاکټر عارف علوي د حکومت بدلولو ښكاره سازش په معامله په تحقيقات كولو زور رواړلو سره وئيلي دي په حالات او واقعات آډانه شواهدو سره دا چاره انجاج ته رسېدې شي، د عمران خان خط د پاكستان وزيراعظم او چيف جسټس ته لېږم٬چيف جسټس دې تحقيقات او سماعت لپاره يو اختيار لرونكے كمېشن جوړ كړي۔ د نهې په ورځ د ايوان صدر پرېس ونګ لخوا د جاري بيان له مخې صدر د پخواني وزيراعظم عمران خان د خط ځواب وركړے چې پكښې د حكومت بدلولو د ښكاره سازش په تحقيقات زور رواړلے شوے ۔ صدر ووئيل په امريكا كښې د پخواني سفير لخوا د رالېږلې شوي سائفر كاپي مې لوستې ده چې پكښې د امريكې خارجه وزير معاون ډونلډ لو سره د پاكستان په سفارت كښې د شوي ملاقات باضابطه سمري موجود وه۔ ده ووئيل په سائفر رپورټ كښې د ډونلډ لو ځينې نور بيانونه هم شامل دي چې پكښې په خاص توګه د وزيراعظم په ضد د “عدم اعتماد د تحريك” ذكر شوے ، په سائفر كښې د تحريك په كاميابۍ د “معافۍ” او د ناكامۍ په صورت د سنګينو نتيجو هم ذكر شوے۔ صدر ووئيل د پاكستان اولس ته د وضاحت وركولو او دا معامله خپل انجام ته رسولو لپاره په حالاتو آډانه شواهد رېكارډ كولو ته اړتيا ده۔ صدر مملکت د قامي سلامتيا کمېټۍ د دوو غونډو هم حواله وركړې چې پكښې د دې خبرې توثيق شوے ٶ چې د ډونلډ لو بيانونه د پاكستان په كورنيو چارو كښې د نه قبلېدو وړ او بيخي د خلاف ورزۍ مترادف دي او د پاكستان حكومت په مناسبه توګه يو ډي مارش جاري كړے ۔ دړكې خفيه او په جار دواړه كېدې شي، په دې خاص معامله په غېر سفارتي ژبه په واضح توګه دړكې وركړې شوې۔ صدر مملکت خپل خط كښې وئيلي دي زه په دې خبره باور لرم چې دې سره د پاكستان غوندې يو آزاد او د خپلواكه قام وقار ته سخت زيان رسېدلے۔ صدر مملکت ووئيل پخواني وزيراعظم خپل خط كښې په دړكه د ممكنه غبرګون او اثراتو ذكر كړے چې ورسره د يو خپلواكه٬ غيور او آزاد قام عزت ته زيان رسېدلے ، ځكه د معاملې تفصيلي جانچ او تحقيقات ضروري دي ۔ صدر ووئيل د پاکستان په تاريخ كښې د يو شمېر سازشونو تحقيقات بې نتيجې وو٬ په دې لړ كښې ده په پېنډۍ كښې د پاكستان د وړومبي وزيراعظم شهيد لياقت علي خان د وژنې، د اګرتله سازش کيس، د پخواني وزيراعظم ذوالفقار علي بھټو په ضد د سازش تور، د صدر ضياء الحق د الوتكې پېښه ،د اوجړي کېمپ پېښه ، د اېبټ آباد سازش کېس او د يو شمېرو نورو پېښو ذكر وكړٶ چې بې نتيجې پاتي شوي ۔ ده ووئيل په نړيواله كچه هم د سازشونو تصديق د لسيزو نه پس د خفيه دستاوېزات جاري كولو نه پس كېږي، ډېره موده پس د خفيه دستاوېزات تر جاري كولو هېوادونو ته ډېر زيان رسېدلے وي۔ صدر مملکت په دې خبره زور رواړو چې په حالات او واقعات آډانه شواهدو ترلاسه كولو سره بس دا معامله انجاج ته رسېدې شي، د عمران خان خط د پاكستان وزيراعظم او چيف جسټس ته لېږم٬چيف جسټس دې تحقيقات او سماعت لپاره يو اختيار لرونكے كمېشن جوړ كړي
د حکومت بدلولو په معامله دې چيف جسټس تحقيقات لپاره عدالتي كمېشن جوړ كړي،د عمران خان خط وزيراعظم او چيف جسټس ته لېږم۔ صدر ډاکټر عارف علوي
مضمون کا ماخذ : como jogar na loteria
متعلقہ مضامین
