اسلام آباد 13 دسمبر (اے پي پي) خارجه وزير بلاول بھټو زرداري د پاکستان او انډونيزيا ترمېنځه په بېلا بېلو څانګو كښې د دوه اړخيزه اقتصادي همكارۍ او په اولسي كچه د رابطو زياتولو په حاجت زور رواړلو سره وئيلي دي چې د دواړو هېوادونو ترمېنځه مرسته پراخه ګنجائش لري كومه بايد وكارولې شي۔ د انډونيزيا يو ټي وي چېنل سره په مركه كښې خارجه وزير ووئيل د پاکستان او انډونيزيا ترمېنځه د ګډې وزارتي كمېشن جوړولو لپاره د تفاهم يادښت لاسليك شوې دي، د دواړو هېوادونو ترمېنځه اقتصادي او دوه اړخيزه اړيكو كښې ډېر امكانات دي چې كارولو ته يۍ اړتيا ده۔ ده ووئيل زه د د دواړو هېوادونو ترمېنځه د اقتصادي مرستې او د اولس اولس سره تړون زياتولو كښې خوښي لرم۔ خارجه وزير ووئيل دواړه هېوادونه د وړاندې نه د او آئي سي، آسيان، ملګرو ملتونو، جي 77 او د نورو نړيوالو ادارو په پلېټ فارمز مرسته كوي۔ د يوې پوښتنې په ځواب كښې خارجه وزير ووئيل پاكستان د ترهګرۍ د مخنيوي تجربه لري او دواړه هېوادونه د يو بل تجربو څخه زده كړه كولې شي۔ ده زياته كړه چې نفرت، تقسيم، انتها پسندي او د ترهګرۍ غوندې مسئلې كومو چې په نړيواله كچه د اسلامو فوبيا رحجان هم پېدا كړې دې ٬ د دې مخنيوي له به انډونيزيا او پاکستان له په ګډه كار كول وي۔ د افغانستان پحقله د يوې پوښتنې په ځواب كښې خارجه وزير بلاول ووئيل د بهرنيو چارو وزير مملکت حنا رباني کھر په دې وروستيو كښې يو پلاوي سره د افغانستان دوره كړې وه او د ترهګرۍ پشمول په يو شمېر اهمو مسئلو ئې د افغان لنډمهاله چارواكو سره د نتيجې وړ او بامعني ملاقاتونه كړي۔ خارجه وزير د دې خبرې پخلې وكړو چې ټول يو سوله ايز٬ سوكاله او پرمختللې افغانستان ليدل غواړي، څوك هم نه غواړي چې افغانستان په منطقه كښې يا كوم بل ځائ د ترهګرو د بريدونو لانچنګ پېډ جوړ شي٬ مونږ هيله لرو چې يو كلن افغان لنډمهاله حكومت به نه يوازې د ترهګرۍ مسئلې ته پام وكړي بلكې سيكيورټي به هم وركړي ځكه چې دا د امن او خوشحالۍ بنيادي شرط دے۔ خارجه وزير ووئيل په افغانستان كښې امن د پاكستان په ګټه دے دې سره به افغانانو او د پاكستان وګړو لپاره هم اقتصادي موقعې پېدا شي۔ ده په دې خبره زور روارو چې نړۍ له به افغانانو سره په بامعني انداز كښې خبرې اترې كول وي، افغانستان نړيوالې مرستې او شموليت ته اړتيا لري ځكه چې د هېواد تقدير او سباٶن د افغانستان اولس په لاس كښې دې۔ خارجه وزير د يوې پوښتنې په ځواب كښې ووئيل زه باور لرم چې د پاكستان اولس به په سياسي او معاشي چېلنجونو قابو موندلو سره جمهوري نظام قوي كړي۔ ده ووئيل پاكستان د مېرمنو اختيار منې جوړولو او دوئي ته د تعليم موقعو وركولو عزم لري او په نړيواله كچه به دې مقصد لپاره هڅې جاري ساتي۔ ده ووئيل پاكستان وړومبې اسلامي هېواد دې چرته چې يوې مېرمنې د وزيراعظم په توګه خدمات ترسره كړي دي
د پاکستان او انډونيزيا ترمېنځه بېلا بېلو څانګو كښې دوه اړخيزه اقتصادي همكاري او په اولسي كچه رابطې زياتول پراخه ګنجائش لري۔ د خارجه وزير بلاول بھټو زرداري د انډونيزيا ټي وي چېنل سره مركه
مضمون کا ماخذ : میگا فارچیون
متعلقہ مضامین
