اسلام آباد۔14اپرېل(اے پی پی) د پاكستان مسلم ليګ (ن) وياندې مريم اورنګزېب وئيلي دي پخواني وزيراعظم عمران خان په آئين د بريد او آئين ماتولو په څير سنګين جرمونه كړي دي ٬ عمران خان 22 كروړه اولس يرغمال جوړ كړي چې سزا يۍ آرټيكل 6 ده۔ د زيارت په ورځ په خپل يو بيان كښې دې د عمران خان په خطاب خپل غبرګون ښكاره كولو كښې ووئيل عدالتونه په آئين او قانون عملدرآمد كولو له پرانستلې شؤ٬ عدالتونه پرانستلې شؤ ځكه چې تا عدالت ته دروغ ووئيل ٬ عدالتونه پرانستلې شؤ دغسې چې تاته دا معلومه شي چې هېواد به د آئين له مخې چلېږي ستا په خوښه نه ٬ عدالتونه پرانستلې شؤ ځكه چې تا آئين او پارلېمنټ يرغمال كړې وو۔ دې ووئيل عمران خان صاحب دا هېواد د 22 كروړ خلكو امانت دے٬ هغوي ستا غلامان نه دي٬ ځكه عدالتونه د نيمې شپې پرانستلې شؤ۔ دې ووئيل د دړكو وركولو او د پوښتنو كولو په ځائې به ښه دا وي چې ته په خپلو جرمونو قوم څخه معافي وغواړې۔ دې ووئيل هر تېرېدونكې ورځې سره ستا حقيقت ٬ كرپشن او لوټ مار په ډاګه كېږي۔ دې ووئيل خپل دور كښې مو د اولس اوړه ٬ چيني ٬ سره ٬ دروګان ٬ غوړي ٬ برېښنا غلا كړه٬ د اولس پېسه مو تباه كړه ٬ دا دې ستا جرم٬ اولس د لوږې نه مړ كېدو او ستا لېكچرې روانې وې ٬ دا دې ستا جرم ٬ د احتساب په نعره دې سياسي مخالفين او ميډيا ناحق زندان كښې واچوله ٬ دا دې ستا جرم۔ د رياست مدينه او امر بالمعروف مقدس اصطلاحات دې د خپل كرپشن او نااهلۍ پټولو له وكارول ٬ دا دې ستا جرم٬ د فارن فنډنګ ستا سازش نيولې شوې دې ٬ دا دې ستا جرم ۔ په لكھونو ډالر او اربونه روپۍ دې د الېكشن كمېشن نه پټې وساتلې ٬ دا دې ستا جرم۔ مالم جبه، هېلی کاپټر، بی آر ټی او د بلین ټری سونامی كرپشن ٬ دا دې ستا جرم۔ دې ووئيل عمران خان د خپلې مافياز او كارټلز د لارې پاكستانې اولس شپه او ورځ لوټ كړو ٬ د اولس اوړه چيني او سره سمګل كېدو سره بهر هېوادونو كښې په ارزانه بيع خرڅ كړې شول او په ګرانه بيعه امپورټ كړې شول٬ د توشه خانې ډالۍ د يو څو كروړو په خاطر خرڅ كړې شوې ٬ د هېواد بدنامي وكړې شوه ٬ د خپل سياست لپاره د پاكستان قومي ګټو ته زيان ورسولې شو
د پاكستان مسلم ليګ (ن) وياندې مريم اورنګزېب د عمران خان په خطاب غبرګون
مضمون کا ماخذ : میگا سینا آن لائن
متعلقہ مضامین
