اسلام آباد۔15اکتوبر (اے پی پی) صدر مملکت آصف علی زرداری نا?? چین دے وزیراعظم لی چیانگ ملاقات کیتی۔ منگل کوں ایوان صدر اچ تھیوݨ آلی ملاقات اچ معیشت، سرمایہ کاری اتے علاقائی رابطے سودھے اہم شعبیاں اچ ݙوپاسہ سٹریٹجک تعاون ودھاوݨ دا عزم کریندیں ہوئیں آکھیا جو ݙوہیں ملک پاک۔چین اقتصادی راہداری منصوبیاں تے عملدرآمد تیز کریسن۔ ایوان صدر دے پریس ونگ توں جاری بیان موجب ایں موقع تے صدرمملکت آکھیا جو چین ن??ل دوستی پاکستان دی خارجہ پالیسی دا اہم جزو اے۔ انہاں ݙوہیں ملکاں وچال تعاون دے ن??یں راہ گولݨ دی اہمیت تے زو?? ݙتا اتے آکھیا جو پاک۔چین تعلقات ودھاوں دی گنجائش موجود اے۔ صدرمملکت تجارتی اتے عوامی رابطے مضبوط ٻݨاوݨ کیتے ہمہ موسمی سڑکاں دے ذریعے رابطے ودھاوݨ دی لوڑھ تے زو?? ݙیندیں ہوئیں آکھیا جو چینی کمپنیاں کوں پاکستان سٹاک ایکسچینج اچ سرمایہ کاری دے موقع توں فیدہ چاوݨا چاہیدے۔ انہاں آکھیا جو سی پیک اتے گوادر پورٹ دی مدد نا?? چین دی اقتصادی ترقی توں فیدہ چاوݨ دا ویلھا آڳئے۔ صدرمملکت انہاں کوں ݙسیا جو او ایں سال نومبر اچ چین دا دورہ کرݨ دا ارادہ رکھیندن۔ او پراݨے دوستاں نا?? رابطے ٻݨاوݨ اتے تعلقات ٻئے مضبوط کرݨ کیتے ڳالھ مہاڑ کرݨ چاہندن۔ صدرمملکت ملاقات اچ آپݨ?? پچھلے دور حکومت اچ چین دے کیتے ڳئے گزریل دوریاں تے روشنی پاتی اتے آکھیا جو پاکستان کوں آپسی اہمیت دے اہم مسئلیاں تے چین دی ہمیشہ حمایت رہی اے۔ انہاں دہشت گردانہ حملے اچ ݙو چینی شہریاں تے ہلاکت تے تعزیت کیتی اتے آکھیا جو اے دلخراش واقعہ پوری قوم کیتے تکلیف دا باعث ٻݨیے۔ صدرمملکت آکھیا جو پاک چین دوستی دے دشمن چینی شہریاں کوں نشانہ ٻݨا تے ݙوپاسہ تعلقات خراب کرݨ اتے سی پیک منصوبیاں کوں متاثر کرݨ دی کوشش کریندے پئن۔ صدرآکھیا جو دشمن آپݨی مذموم کوششاں اچ کامیاب نہ تھیسن۔ انہاں مجرماں کوں مثالی سزا ݙیوݨ کیتے پاکستان دا عزم کیتا۔
صدر مملکت نال چین دے وزیراعظم لی چیانگ دی ملاقات، پاک چین سٹریٹجک تعاون ٻیا ودھاوݨ تے اتفاق
مضمون کا ماخذ : کمپیوٹر لاٹری کے نتائج
متعلقہ مضامین
