اسلام آباد 29 جون (اے پي پي) وزيراعظم شهباز شريف د ګڼې ګونې په ځايونو كښې د كرونا وائرس نه بچ كېدو لپاره په احتياطي تدبيرونو د عملدرآمد امر كولو سره وئيلې دي مکمل ويکسينېشن، بوسټر ډوز، ماسك، د سينيټائزر استعمال او د سماجي فاصلې دې خيال وساتلے شي٬ په لوي اختر كښې د څاروو په منډۍ٬ ودونو٬ نجي محفلونو٬ د ماسك او سينيټائزر استعمال دې باوري كړے شي٬ د كرونا څخه خپل مينه وال ساتلو لپاره به مونږ ټولو له د ذمه وارۍ مظاهر كول وي٬ چيف سيکرټريز دې په صوبو كښې اېس او پيز باندې عملدرآمد وكړي۔ ده د شورو په ورځ د كرونا صورتحال پحقله د جاج اغستو غونډې مشري كوله۔ په غونډه كښې وفاقي وزيرانو عبد القادر پټېل، رانا ثنا الله، شېري رحمن، د اېن ډي اېم اے چيئرمېن ٬ د اطلاعات سېكرترې٬ د نېشنل هېلته سروسز سېكرتري او اړوند لوړ پورو ګډون كولو٬ په غونډه كښې د څلورو واړو صوبو ٬ آزاد كشمير او ګلګت بلتستان چيف سېكترانو د وېډيو لنك د لارې ګډون كولو۔ غونډه د پاکستان پشمول په نړيواله كچه دا مهال د كرونا په موجوده صورتحال په تفصيلي توګه خبر كړې شوه۔ غونډې ته ووئيل شول ګرده نړۍ كښې د كرونا كېسونو كښې په مجموعي توګه د كمي رجحان دے٬ د اوميكرون د تېرې چپې نه پس د اومېكرون نوې ويريئنټ په دې وروستيو كښې په پاكستان كښې د كرونا وائرس په كېسونو كښې د اضافې سبب جوړېږي چې په سبب ئې په 28م جون د كرونا ټېسټ مثبت شرح 3 فيصد نه زياته شوې٬ په نوې چپه كښې په روغتونونو كښې د داخلې شرح د نورو چپو نه كمه رېكارډ كړې شوې ۔ غونډه په هېواد كښې د ويکسينېشن د موجوده صورتحال نه هم خبر كړې شوه۔ غونډې ته ووئيل شول په هېواد كښې دا مهال د 12 كالو نه د زيات عمر د 86 فيصده آبادي بشپړه ويکسينيټډ ده او 93 فيصد ته د لږ نه لږ يو ډوز لګېدلے دے٬ پاکستان كښې دا مهال د وېكسينېشن كولو استعداد د هره ورځې په بنياد دوه لكه نه زيات دے۔ غونډې ته ووئيل شول په سندھ كښې تر دې وخت ټولې آبادۍ واكسين لګولې٬ پنجاب او نورو صوبو كښې دا عمل په تندۍ سره بشپړېدو پلو روان دے۔ غونډې ته ووئيل شول په پوله د بهر هېواد څخه د تګ راتګ نګرانۍ لپاره اقدامات او فاسټ ټرېك اېپ استعمالٶونكو لپاره آسان او ښه كوٶ۔ وزيراعظم اړوندو چارواكو ته نه يوازې د كرونا په اېس او پيز عملدرآمد باوري كول بلكې په دې لړ كښې په اولس كښې شعور زياتولو لپاره هم امر وكړو۔ وزيراعظم ووئيل ټولو ادارو په خاص توګه د اېن سي او سي د كرونا په مهال خدمات د ستائنې وړ دي، د فرنټ لائن هيلت ورکرز، ډاکټرز، رضاکارو ته د كرونا په مهال په خدمات ترسره كولو پېرزوئنې وړاندې كوٶ۔ ده ووئيل كرونا څخه بچ كېدو لپاره د سروسز په مهال شهيدو شوو هېلت كاركنانو د قام تحفظ لپاره قربانۍ وركړې دي
كرونا وائرس څخه بچ كېدو لپاره په لوي اختر كښې د څاروو په منډۍ٬ ودونو٬ نجي محفلونو٬ د ماسك او سينيټائزر استعمال دې باوري كړے شي۔ وزيراعظم شهباز شريف
مضمون کا ماخذ : شریر چڑیل
متعلقہ مضامین
