اسلام آباد۔13مارچ (اے پی پی) زياتره پاكستاني وګړي د وزيراعظم په ضد د بې باورۍ تحريك په ناكامه كېدو باور لري ٬ 62 فيصده وګړي دا مني چې د وزيراعظم عمران خان حكومت به په روان سياسي صورتحال قابو ومومي او 80 فيصده پاكستانيان په دې باور لري چې د وزيراعظم عمران خان حکومت به خپله پنځه كلنه موده ترسره كړي او كومې مډ ټرم ټاكنې به نه كېږي۔ پلس(PULSE) کنسلټنټ د وزیراعظم عمران خان د مارچ په اولنۍ نېټه قوم ته د خطاب او د ريليف اقداماتو ٬ په هېواد كښې د روانې سياسي وضعې او د اپوزيشن لخوا د وړاندې كړې شوي بې باورۍ تحريك په اړه د اولس رائې معلومولو له په ګرد هېواد كښې سروے وكړه په كومه كښې چې د 16 نه تر 55 كلنو وګړو څخه پوښتنې وكړې شوې۔ د سروے نتيجو لمخې په هر لسو كښې 6 (62) فصده خلكو باور ښكاره كړو چې حكومت به په روان سياسي صورتحال قابو ومومي او به 10 كښې 2 (23 فيصده) كسانو د حكومت د ختېمدو اندېښنه ښكاره كړه٬ 15 فيصده وګړو د دې په اړه كوم غبرګون ښكاره نه كړو۔ د پلس كنسټلټنټ لخوا جاري شوې سروے كښې وئيلي شوي چې 80 فیصد پاکستانی وګړي په دې باور لري چې د وزیراعظم عمران خان حکومت به خپله پنځه كلنه مودې ترسره كړي ٬ كومې مډ ټرم ټاكنې به نه كېږي۔ 13 فيصد د منځنۍ مودې ټاكنو تمه لري ٬ بلخوا په سروے كښې شامل 7 فيصده وګړو په دې اړه خپله رائې ښكاره نه كړه۔ قوم ته د خطاب په مهال وزيراعظم وئيلې وو چې په نړۍ كښې د پټروليم مصنوعاتو بيعې زياتېدو باوجود حكومت اولس ته د ريليف وركولو پرېكړه كړې ٬ د وزيراعظم د تقرير او ددې پرېكړې په اړه چې كله د اولس رائې معلومه كړې شوه نو سروے كښې ګډون كوؤنكو 10 فيصده كسانو دې سره بشپړه او 42 فيصده جزوي اتفاق وكړو چې ورسره د وزيراعظم دعوی سره د اتفاق كوؤنكو شرح 52 فيصده پاتې شوه۔ د برېښنا في يونټ بيعه كښې د 5 روپۍ كمي په اړه چې كله سروے كښې شاملو وګړو نه پوښتنه وشوه نو 9 فيصده دا لويې ريليف او 42 فيصده مناسب ريليف وګرځولو۔ دغسې په دې د اطمينان شرح 51 فيصده پاتې شوه ٬ 47 فيصده ووئيل دا كوم زيات ريليف نه دې۔ د احساس مالي مرستې پروګرام كښې د 2 زره روپو اضافې سره د دې 14 زره ته د رسولو په اړه سروے كښې شاملو 63 فيصده كسانو په دې د اطمينان څرګندونه وكړه په كومو كښې چې 32 فيصده بشپړه او 31 فيصده جزوي اطمينان ښكاره كړو۔ بل اړخ ته 32 فيصده وګړو دې سره اتفاق ونكړو او 5 فيصد رائې ښكاره نه كړه۔ په پنجاب صوبه كښې د صحت كارډ او د حكومت كاركردګۍ په اړه سروے كښی د پنجاب 66 فيصده وګړو بشپړه اطميان ښكاره كړو ٬ 29 فيصد د بې اطمينانۍ څرګندونه وكړه او 6 فيصده كومه رائې ورنكړه۔
زياتره پاكستاني وګړي د وزيراعظم په ضد د بې باورۍ تحريك په ناكامه كېدو او 80 فيصده د وزیراعظم عمران خان حکومت خپلې پنځه كلنې مودې په ترسره كېدو باور لري٬ كومې مډ ټرم ټاكنې به نه كېږي٬ “پلس” سروے
مضمون کا ماخذ : apostas quina
متعلقہ مضامین
