اسلام آباد۔12دسمبر(اے پی پی) د اطلاعاتو وفاقي پارليماني سېكتر شهباز بابر وئيلي دي چې د رېډيو پاكستان پنشنرز ته به د دوئي پنشن او بقايا جات په يوه اونۍ كښې وركړې شي٬ دې لپاره اے جي پي آر ته 50 كروړ روپۍ ترلاسه شوي دي۔ د ګل په ورځ په قومي اسمبلۍ كښې د مولانا عبد الاكبر چترالي لخوا د پي بي سي څلور زره ملازمينو ته د جون 2022 څخه د پنشن نه ادا كېدو او د اكتوبر 2022 پنشن كښې د كټوتۍ په اړه د پام ګرځونې نوټس په ځواب كښې پارليماني سېكتر ووئيل چې تېر حكومت خو نزدې وه چې د رېډيو پاكستان وداني خرڅه كړې وې۔ مونږ چې په كال 2018ء كښې دا اداره كوم ځائې پرېښودلې وه هغه يۍ تباه كړه۔ د رېډيو په خپلو پښو ودرولو له هېڅ هم ونكړے شول۔ ده ووئيل 50 کروړه روپۍ اے جي پي آر سره دي ٬ په يوه اونۍ كښې به ټول بقايا جات ادا كړې شي۔
مضمون کا ماخذ : جنگل کی روح: جنگلی کی کال
