اسلام آباد۔21اکتوبر(اے پی پی) داخله وزير شېخ رشيد احمد وئيلي دي حكومت به د ګرانۍ په شمول په ټولو مسئلو او چېلنجونو قابو ومومي٬ وزيراعظم عمران خان د مدينې رياست په ډول د حقيقي فلاحي رياست جوړولو هڅې كوي٬ پاكستان كښې ټولو ته جمهوري او سياسي آزادۍ ترلاسه دي٬ د اسلام آباد پوليس لپاره شهدا پېكج د پنجاب پوليس برابر كړې شوې دې٬ د دې خيالاتو څرګندونه هغه د زيارت په ورځ پوليس لائنز كښې د ایئر پټرول یونټ پرانستې او د پاسنګ آؤټ پرېډ دستورې ته خطاب او ميډيا سره خبرو كښې وكړه۔ هغه ووئيل ایئرپټرول یونټ نن پېل كړې شوې دې۔ دا به د ډرونز د لارې سېف سټي سره تړلې وي او پوليس سره به نوي هائي ټېك ګاډي هم وي۔ هغه ووئيل اسلام پوليس لپاره شهدا پېكج د پنجاب پوليس برابر كړې شوې دې ، د اسلام آباد پولیس اېنټی رایټ یونټ لپاره د 1000 ځوانانو بھرتي كولو منظوري وركړې شوې ده۔ داخله وزير ووئيل د پوليس تنخاګانې ښه كولو له د خزانې وزير سره خبرې شوې دي۔ داخله وزير ووئيل 400 ملينه روپۍ تھاڼو ته وركړې شوي دي۔ هغه ووئيل د پلازمينې اسلام په محفوظ ښار جوړولو پوليس ته سلام وړاندې كوم۔ وروستو ميډيا سره خبرو كښې هغه ووئيل د اپوزيشن په لاريون كښې ګرانۍ ځپلي اولس ګډون ونكرو۔ هغه ووئيل وزير اعظم به خپله آئيني موده ترسره كوي او حكومت به د هغه په مشرۍ كښې د ګرانۍ جن بوتل كښې بند كړي۔ هغه ووئيل وزيراعظم عمران خان د اولس په مسئلو ژور نظر لري او هغه د ګرانۍ ختمولو له پرله پسې هڅې كوي۔ هغه ووئيل د حكومت مخې ته مهمې نړيوالې مسئلې هم دي په كومو چې قابو موندل دي۔ هغه ووئيل وزيراعظم پاكستان د مدينې رياست په ډول يو فلاحي رياست جوړول غواړي٬ اپوزيشن ته په دې هېواد كښې ټولې جمهوري او سياسي آزادۍ ترلاسه دي۔ هغه ووئيل د ختم نبوت لپاره زما نه زياتې قربانۍ چا نه دي وركړې۔ هغه ووئيل د قانون په دائره كښې هر چا ته د احتجاج كولو اجازت ترلاسه دې خو كه چا قانون په خپل لاس كښې واخست نو قانون به ئې خپل لاس كښې واخلي۔ دې نه وړاندې داخله وزير په پوليس لائنز كښې د ایئر پټرول یونټ د پاسنګ آؤټ پرېډ معائنه وكړه۔
حكومت به د ګرانۍ په شمول په ټولو مسئلو او چېلنجونو قابو ومومي٬ وزيراعظم عمران خان د مدينې رياست په ډول د حقيقي فلاحي رياست جوړولو هڅې كوي٬ داخله وزير شېخ رشيد احمد
مضمون کا ماخذ : estratégias loteria وفاقی
متعلقہ مضامین
