اسلام آباد۔30 جون(اے پی پی)وزیر اعظم عمران خان ہک واری ول امریکا کوں چتیندے آکھیے جو اس??ں امن اچ تاں امریکا دا ہتھ ونڈا سڳدے ہیں بھل ہݨ ولا کہیں جھیڑے یا جنگ اچ نال نہ تھیسوں۔ قومی اسمبلی اچ خطاب کریندے ہوئے وزیراعظم کھلا سنیہا ݙتے جو اس??ں اپݨی قومی سلامتی تے کہیں ݙر یا دبائو اچ نہ آسوں۔ انہاں آکھیا جو میں کولوں پچھیا ڳئے جو کیا پاکستان امریکا کوں اڈے ݙیسی؟ میں آہداں جو ایں جنگ اچ ساݙے 70 ہزار لوک موئن، کتنا جانی و مالی ذیاں تھئے، کݙاھیں امریکا ایں قربانی دی تعریف کیتی اے؟ ہتھو ساکوں دوغلا آکھیے، ساکوں ڄڳ دا خطرناک ملک قرار ݙتا ڳئے، بعد اچ امریکا جو آہدا رہے اس??ں کریندے رہے ہیں، اس??ں امریکا دی جنگ اچ ہتھ ونݙیندے پئے ہاسے بھل ??و ساݙے ہی ملک اچ ݙرون حملے کریندا کھڑا ہا۔ وزیراعظم آکھیے جو افغانستان توں امریکی فوج دے ونجݨ دا ویلھا آڳئے، شکر اے جو امریکا کوں چیتا تھی ڳئے جو افغان م??لہ دا حل جنگ نال نئیں صرف امن نال نکل سڳدے۔
امن کیتے تاں امریکا دا ہتھ ونݙیسوں جنگ یا جھیڑے اچ نال نہ تھیسوں، قومی سلامتی سانڳے کہیں ݙر یا دبائو اچ نئیں آوݨا، وزیراعظم عمران دی چتاوݨی
مضمون کا ماخذ : اسرار ریلز
متعلقہ مضامین
