دوحہ۔31اکتوبر (اے پی پی) وزیراعظم محمد شہباز شریف ??می?? قطر شیخ تمیم بن حمد آل ثانی دے رلے قطر میوزیم اچ منظر آرٹ گیلری دا دورہ کیتے جݙاں جو وزیراعظم محمد شہباز شریف آکھیے قطر میوزیم اچ پاکستانی فن پاریں تے مبنی منظر آرٹ گیلری دا قیام ݙوہیں ملکاں وچال سماجی اتے بھرپی دے تکڑے تعلقات دی عکاسی کریندے ۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف اتے ??می?? قطر اعلیٰ سطحی وفد اتے ݙو پاسے ملاقات دے بعد ھکی گاݙی اچ دیوان ??می?? توں قطر میوزیم تئیں دا سفر طے کیتا۔??می?? قطر وزیراعظم محمد شہباز شریف کوں بذات خود پاکستانی فن پاریں دی نمائش “منظر” دا دورہ کرائے،ݙوہیں ملک دے رہنماواں وچال غیر روایتی گرم جوشی ݙیکھݨ اچ آئی ، ??می?? قطر تے انھاں دی ہمشیرہ اتے قطر میوزیم دی چیئرپرسن شیخہ المیاسہ بنت حمد بن خلیفہ الثانی غیر رسمی اتے دوستانہ ماحول اچ وزیراعظم کوں نمائش اچ موجود فن پارے ݙکھائے اتے نمائش دے منتظمین اتے پاکستانی فنکاراں نال تعارف کرائے۔ وزیراعظم ??می?? قطر اتے انھاں دی ہمشیرہ دا منظر آرٹ گیلری دے انعقاد اتے پاکستانی فنکاراں د?? پذیرائی تے انھاں دا شکریہ ادا کیتا۔وزیراعظم محمد شہباز شریف آکھیے ایں نمائش دا انعقاد پوری پاکستانی قوم سانڳے ماݨ دی ڳالھ اے ، قطر میوزیم اچ پاکستانی فن پاریں تے مبنی منظر آرٹ گیلری دا قیام قطر اتے پاکستان دے درمیان سماجی اتے بھرپی دے تکڑے تعلقات دی عکاسی کریندے ۔ وزیراعظم دورے اچ معروف پاکستانی معمار نئیر علی دادا، پاکستانی م??ور??ں، فوٹوگرافر، خطاط اتے ٻئے فن کاراں نال ملاقات کیتی ۔ نمائش اچ 1940 توں گھن تے ہݨ تئیں دے پاکستانی مصوری، فوٹوگرافی، مجسمے تے ٻئے فن پارے شامل ہن ۔ نمائش اچ شاکر علی، صادقین، گل جی، زبیدہ آغا، کامل خان ممتاز، نئیر علی دادا اتے ٻہوں سارے پاکستانی فنکاراں دے فن پاریں دی نمائش کیتی ڳئی۔
