اسلام آباد 10 اکتوبر (اے پي پي) د موسمياتي بدلون وفاقي وزيرې سينيټر شيري رحمن وئيلي دي هېواد د تاريخ تباه كن سېلاب سره مخ دے٬ مونږ له به د سياسي اختلافات نه پرته د سېلاب ځپليو مرسته كول وي، اپوزيشن له د سياسي اړي ګړي نه ډډه پكار ده، اپوزيشن د جلسو لپاره خلق نه مومي٬ ځكه د خلقو نه لانګ مارچ لپاره سوګند اخلي۔ د ګل په ورځ د سېنېټ په غونډه كښې سينيټر شيري رحمن ووئيل درې كروړه 30 لكه كسان ځپلې شوي٬ د دوه كروړه نه زيات كسان خوراكي توكو ته اړتيا لري٬ دا خلق ستونزو او بدحالۍ سره مخ دي٬ بلوچستان كښې د اوبو وچېدو باوجود ستونزې برقرار دي، ۔ دې ووېيل د يو رپورټ له مخې د پاكستان د زيان اندازه 40 اربه ډالره ده، حالانکه د سېلاب زيان د دې نه ډېر زيات دے٬ 13 زره كلوميټره سړكونه ويجاړ شوي٬ په سلګونو پلونه تباه شوي، په سندھ كښې اوبه ولاړ دي چې ورسره د مليريا او ډينګي پشمول نور رنځونه خپرېږي٬ دې ووئېل خلق زمونږ مرستې ته اړتيا لري، ټولو له په دې معامله اجتماعيت او د اتحاد څرګندونه پكار ده۔ دې ووئيل د يوكرائن جنګ له امله توان او د خوراك په نړيواله كچه بحران رامخې ته دے
مونږ له به د سياسي اختلافات نه پرته د سېلاب ځپليو مرسته كول وي۔ سينيټر شيري رحمن
مضمون کا ماخذ : فنکی پھل
متعلقہ مضامین
